Chinland FC CEO Pu Naing Hung le tuanvo ngeitu hna nih “Chinland for Tedim” timi bawmhnak tlangtar in tuchun (27 April 2020) ah Chin ramkulh Tedim khua um Ngandamnak Zung ah kal in Covid-19 dohdal le i humhimnak rian ah a herhmi thilri hna pekchanhnak an ngeih hna.

Chinland FC nih a ti khawh tawk in ngandamnak lei thilri a pek khawhmi hna cu PPE zun-30, Mask-4000, Khairiat kuthruk-1000, kuttawlnak spirit litre pakhat aa telmi dur-100, Chinland FC angki zun-30, Blanket a nganmi zun-46 hna an si i, atu lio thilman in sing 30 renglo man a si.

Covid-19 pulral dohnak ah hmaisuang in rian a tuanmi ngandamnak lei riantuantu hna le bawmhchanhnak rian a tuantu hna dihlak cung ah Chinland FC nih kan i lawmhnak le kan sunhloihnak hna kan langhter.

Chinland FC nih Paletwa pengkulh chung ah ralzam dirhmun in harsatnak a tong cuahmahmi hna caah kan si khawh tawk in bawmhchanhnak pek than ka i tim. Hi timhtuahnak ah Chinland FC thapetu vialte, pumpululh chuihtu vialte le Chinland FC tuanvo ngeitu dangdang hna zong nan si khawh tawk in rak i tel cio ding in kan in sawm hna.

Pathian nih Kawlram tluahchuah pe sehlaw a ngan dam ko seh!

• CHINLAND FOR PALETWAအစီအစဉ်တွင် ပါဝင် ကြပါရန် Chinland FC President U Thawng Tha Thang (TT) မှ ဖိတ်ကြားခြင်း ဖြစ်ပါသည်။
• CHINLAND FOR PALETWA bawmhchanhnak program ah i tel cio ding i Chinland FC President NC Thawng Tha Thang nih sawmnak.